Поиск

БҒМ: Қазақстан тарихы бойынша базалық мектеп оқулығын даярлау мәселесі талқыланды


ҚР Білім және ғылым министрі Асхат Аймағанбетов тарихшы ғалымдармен кездесті. Бұл туралы ол Facebook-тегі парақшасында хабарлады.


«Алматы қаласында тарихшы ғалымдармен және тарих пәнінің мұғалімдерімен кездестім. Жиын барысында Мемлекет басшысының «Тәуелсіздік бәрінен қымбат» атты мақаласында міндеттеген тапсырмаларын орындау барысын талқыладық» деп жазды министр. Ел Президенті Қасым-Жомарт Тоқаев Қазақстан тарихы бойынша жаңа академиялық басылымды, сондай-ақ Қазақстан тарихы пәні бойынша бірыңғай оқулықтарды дайындауды тапсырған болатын.


«Ғалымдармен және мұғалімдермен Қазақстанның тарих ғылымын дамыту тұжырымдамасын әзірлеу мәселелері, Қазақстан тарихы бойынша жаңа академиялық басылымды, Қазақстан тарихы бойынша базалық мектеп оқулығын дайындаудың ұйымдастырушылық және әдіснамалық мәселелері, мектептерде тарихты оқыту проблемалары, оның ішінде үлгілік бағдарлама дайындау туралы мәселелер талқыланды. Бұл ортақ жұмыстың маңызы зор.


Бұл жұмыста науқаншылдық пен асығыстық болмау керек екені де түсінікті» делінген хабарламада.


Ведомство басшысы министрлік тарихшы ғалымдар мен мұғалімдердің айтқан ұсыныстары мен идеяларын ескеретінін атап өтті.


«Жоғарыда аталған бағыттар бойынша жұмысқа барлық тарихшыларды қатысуға шақырамын. Өз ұсыныстарыңызды Ғылым комитетінің корпоративтік поштасына kn@edu.gov.kz жіберуді сұраймын» деп түйіндеген сөзін Асхат Айманбетов.



Автор: Ербол Жанат


Ақпарат көзі: inform.kz




#Білім #Ғылым



© 1999-2021  Редакция республиканского журнала "Современное образование"

новости образования | .kz news | новости | образование в Казахстане | новости | сегодня | bilim | kz | эксперт

вуз | университет | академия | институт | колледж | школа | частная школа | студент | ученик | школьник | учитель | преподаватель

конференция | форум | выставка образования | центр | музыкальная | художественная | абитуриент | student | shchool 

university | выставка вузы | день открытых дверей | талапкер - 2021 | талапкер | information | МОН РК - новости |

Министерство образования - актуальные новости | Казахстан | Новости образования РК сегодня | абитуриент - 2021

obrazovanie.kz 

  • Vkontakte Social Icon
  • Instagram Social Icon