Поиск

ЖОО жанынан диссертациялық кеңес құрудың талабы өзгерді


Докторант дайындау лицензиясы бар 80 ЖОО-ның 54-інде ғана диссертациялық кеңес құрылған, деп хабарлайды ҚазАқпарат тілшісі.


Білім және ғылым министрлігінің Білім және ғылым саласындағы бақылау комитетінің төрайымы Гүлзат Көбенова диссертациялық кеңес пен диссертация қорғау ережелеріне енген өзгерістер туралы баяндады.


«Бұдан былай диссертациялық кеңесті ашу кезінде жоғары оқу орнында тиісті лицензияның болуы жеткіліксіз. Бүгінге дейін осындай талап қана қойылып келген. Енді ЖОО-ның базасында білім беру бағдарламаларының тізіміне енген, сараптамадан өткен, аккредиттелген PhD бағдарламасы болуы керек. Сондай-ақ, ол бағдарлама бойынша маман даярлауға жыл сайынғы мемлекеттік тапсырысы бар болуы тиіс», - деді комитет басшысы.


Оның айтуынша, қазіргі таңда 80-нен астам ЖОО-да докторант дайындау лицензиясы бар болғанымен, тек 54-інде ғана диссертациялық кеңес жұмыс істейді. Комитет төрайымы жаңа норма диссертациялық кеңес неғұрлым дайындығы жоғары ЖОО-ларда ғана құрылуына жол ашатынын айтады.


«Бұған дейін диссертациялық кеңес құрамы 3 жылға тағайындалып, тұрақты негізді жұмыс істеп келді. Енді оның құрамы әлдеқайда икемді болып, 50 пайызы тұрақты, 50 пайызы уақытша мүшелерге бөлінеді. Тұрақты мүшелерді ЖОО-ның ғылыми кеңесі тағайындайды. Ал уақытша мүшелер докторанттың қорғайтын тақыбырына сәйкес жеке-жеке тағайындалады. Бұл диссертацияның әділетті бағалануына мүмкіндік береді», - деді Гүлзат Көбенова.


Министрлік өкілі бұған дейін докторлық диссертация қорғау үшін үміткерлер еңбегін бірнеше рет талқылаудан өткізіп, тіпті кейде ақылы негізде талқылау ұйымдастыруға мәжбүр болғанын еске алды.


«Докторанттар диссертациясын қорғау үшін бірнеше талқылау сатысынан өтуі керек болған. Тіпті кейде ақылы негізде талқылаудан өткен жайттар да болғаны жасырын емес. Енді бұған жол берілмейді. Докторант талқылаудан кафедраның кеңейтілген отырысында бір-ақ рет өтеді. Диссертацияға қатысты пікірлердің бәрі қорғау кезінде ғана айтылады. Бұл докторантты қорғау алдындағы басы артық жүктемеден босатып, диссертациялық кеңестің бағалау кезіндегі жауапкершілігін арттырады», - деді комитет басшысы.


Бұған дейін хабарлағанымыздай, Гүлзат Көбенова PhD дәрежесін қорғау кандидаттық диссертация деңгейінде қалып қойғанын мәлім еткен болатын.


Автор: Есімжан Нақтыбай


#Білім #Ғылым #ЖОО #ҚР Білім және ғылым министрлігі


© 1999-2021  Редакция республиканского журнала "Современное образование"

новости образования | .kz news | новости | образование в Казахстане | новости | сегодня | bilim | kz | эксперт

вуз | университет | академия | институт | колледж | школа | частная школа | студент | ученик | школьник | учитель | преподаватель

конференция | форум | выставка образования | центр | музыкальная | художественная | абитуриент | student | shchool 

university | выставка вузы | день открытых дверей | талапкер - 2021 | талапкер | information | МОН РК - новости |

Министерство образования - актуальные новости | Казахстан | Новости образования РК сегодня | абитуриент - 2021

obrazovanie.kz 

  • Vkontakte Social Icon
  • Instagram Social Icon