Поиск

Оқу бағдарламасын ұлттық құндылықтарды дәріптеу бағытында жаңаша жасақтау қажет – Мәулен Әшімбаев


Ұлттық құндылықтарды дәріптеуде білім беру саласына үлкен жауапкершілік жүктеледі. Мұндай пікірді ҚР Парламенті Сенатының төрағасы Мәулен Әшімбаев білдірді, деп хабарлайды ҚазАқпарат тілшісі.


«Ұлттық құндылықтарды дәріптеу қашанда өзекті. Әсіресе, қазіргідей жаһандану дәуірінде оның маңызы зор. Бүгін Сенатта осы тақырыпта парламенттік тыңдау өткізіп, аталған мәселені жан-жақты талқыладық. Жалпы, ұлттық құндылықтардың ауқымы кең. Оның тәуелсіздік, жер, тіл, мәдениет, салт-дәстүр сияқты басымдықтардың бәрін қамтитыны белгілі. Сондай-ақ, бұл тұрғыда адами құндылықтардың да мәні ерекше. Осы ретте Мемлекет басшысы «Абай және ХХІ ғасырдағы Қазақстан» атты мақаласында назар аударған ұлы ойшылдың «Толық адам» тұжырымдамасын айрықша атап өтуге болады», - деп жазды Сенат төрағасы Facebook парақшасында.


Оның атап өтуінше, Абайдың «Толық адамына» нұрлы ақыл, жылы жүрек және ыстық қайрат тән. Нұрлы ақылға сәйкес біз қоғамда білім культін қалыптастыруымыз керек. Әсіресе, өмір бойы білім алу дағдысын негізгі қағидатқа айналдырған жөн. Жылы жүректен бастау алатын өзара сенім, жанашырлық пен жауапкершілік секілді құндылықтарды да кеңінен дәріптеген абзал. Ыстық қайратқа жататын талап пен еңбекқорлық та жаңа заманда ұлттық ұстанымға, өмірлік мақсатқа айналуы қажет.


«Ұлттық құндылықтарды дәріптеуде білім беру саласына үлкен жауапкершілік жүктеледі. Өйткені біздің ұлттық танымда білім әрдайым тәрбиемен қатар жүрген. Сондықтан бала адамдық әліппесін ата-анасымен қатар мектептен де үйренгені жөн. Білім мекемелері адал, жауапты, еңбекқор болуды ерте жастан баланың бойына сіңіруге тиіс. Сол себепті, оқу бағдарламасын осы бағытта жаңаша жасақтау мәселесін қараған жөн болар еді. Бұл істе интеллигенцияның да рөлі зор. Зиялы азаматтарымыз қашанда қоғам үшін бағдар болып келеді. Сол үшін оларға алғысымызды білдіреміз. Ендігі кезекте, елімізде зиялы қауымның жаңа буынын қалыптастыруға мән берген дұрыс деп есептейміз. Олар ХХІ ғасырда ұлттық құндылықтарды сақтаушы және насихаттаушы болуға тиіс», - деді Мәулен Әшімбаев.


Сенат спикері қазіргідей жаһандану заманында ұлттық құндылықтарды дәріптеудің маңызы бұрынғыдан да артып отырғандығына баса назар аудартады.


«Тіпті, ұлттық құндылықтарды дәріптемей толыққанды даму мүмкін емес деуге болады. Сондықтан бүгін айтылған ұсыныс-пікірлердің бәрі Сенаттың алдағы жұмысында ескеріледі. Тыңдау қорытындысы бойынша арнайы ұсынымдар дайындалып, Үкіметке және тиісті министрліктерге жіберіледі. Оның іске асырылуы сенаторлардың бақылауында болады», - деді ол.


Автор: Марлан Жиембай


#Парламент #Сенат #Білім #Рухани жаңғыру


© 1999-2021  Редакция республиканского журнала "Современное образование"

новости образования | .kz news | новости | образование в Казахстане | новости | сегодня | bilim | kz | эксперт

вуз | университет | академия | институт | колледж | школа | частная школа | студент | ученик | школьник | учитель | преподаватель

конференция | форум | выставка образования | центр | музыкальная | художественная | абитуриент | student | shchool 

university | выставка вузы | день открытых дверей | талапкер - 2021 | талапкер | information | МОН РК - новости |

Министерство образования - актуальные новости | Казахстан | Новости образования РК сегодня | абитуриент - 2021

obrazovanie.kz 

  • Vkontakte Social Icon
  • Instagram Social Icon