Елімізде мұнайды барынша өңдеу мәселесі қаралды

Хәкім Абайдың мұрасын зерттеу жаңашылдықты қажет етеді. Себебі осыған дейін Абай шығармалары ақындық және философиялық тұрғыдан ғана зерделеніп келді.

Оның туындыларындағы әлеумет пен руханият мәселесі өзектілігін әлі де жоғалтпаған. Сондықтан асыл мұраны тереңірек тануда ғалымдар өз алдына жаңа міндеттер қоя білуі тиіс. Ұлттық ғылым академиясының сессиясында осындай пікірлер айтылды. Бұдан бөлек жиында еліміздің мұнай және металлургия саласын дамытудағы ғылымның алар орыны сөз болды. Бұл саланың олқы тұстары жетерлік.

Мұрат Жұрынов, ҚР ҰҒА президенті:

- Біз мұнай мен металлургия саласына ден қоюымыз қажет. Бүгінде елімізде мұнайдың 75%-ы ғана өңделсе, ал АҚШ-та 95%-ға дейін өңделеді. Біз осы көрсеткішке жетіп, мұнай мен газды қайта өңдеу саласындағы ғылыми зерттеулерді дамытуымыз қажет. Осы орайда алдағы уақытта 3 полимерлі шаруашылық ашылады. Дегенмен, эксперимент жасайтын шағын цехтардың жоқтығы ғалымдарға қолбайлау болып тұр. Ақпарат көзі: 24.kz